Phai Synod, Presbyterian Youth Joint Coference (PYJC) hi July 3, 1985 zing dar 9:00 khan GA Hall, Tahan-ah din a ni a. October 5-6, 1985 khan Sadaw khuaah a hawnna inkhawm buatsaih a ni. Tunah hian Conference 3, Meeting 18 leh Branch 38 kan awm. Kum 14-35 inkarte chu PYF full member an ni a, tunah hian PYF member 3,531 kan awm mek a ni.
“Rawngbawl tura koh” (2 Tim 1:11) hi kan thupui a ni a, din chhan 5 kan nei bawk. Kum thum danah PYJC Triennial conference hman thin a ni a, Covid-19 hripui leng leh kan ram buai avangin kum 2019; Khampat khuaa buatsaih Triennial Conference Vawi-11-na hnu lam erawh kan hmang chhunzawm thei ta lo a ni.
PYJC hian training te, seminar te, consultation te kumtin a buatsaih thin a, long term project atan kum 2023 atang khan “PYJC 10 Years Plan” kalpui a ni bawk. Kum 1988 atanga chhuah tan; Thalai Êntu chanchin bu thla tin chhuak pawh chatlak awm miah lovin chhuah chhunzawm zel a ni. Kum 2021-a Synod Vawi 37-na chuan Phai Synod inkaihhruaina dan a pawm hnuah kum 2022 atangin Phai Synod choir din a ni a, PYJC-in kan enkawl bawk a ni.
PYJC hian PYF member-te hi Chanchin Tha puan darh kawngah te, Kohhran kut leh ke ni tur te, Pathian thu leh hlaa hma an sawn theihna tur te, Kristian nun dan mawi an neih theihna tur leh mi puitling an nih theih nan hman kan la a ni.